अन्तर मण्डली फुटबल टुर्नामेन्ट, एन्फा फुटबल मैदानमा हुने
ललितपुर ४, जेठ । नेपाल स्पोर्टस् फेलाशिपद्वारा आयोजित १३ औँ अन्तर मण्डली फुटबल नुर्नामेन्टको अन्तिम खेल ललितपुर सातोबाटो स्थित एन्फा खेल मैदानमा हुने भएको छ ।
बिलिभर्स स्टर्न चर्च र अनुग्रह सामाखुसी चर्च बीच हुने प्रतिस्सपर्धाको अन्तिम खेल भोली शनिबार जेष्ठ ५ गते एन्फा खेल मैदानमा हुने आयोजक समितिले जानकारी दिएको छ ।
शनिबार बेलुका ४ बजेदेखि सुरु हुने भएकोले काठमाण्डौँ उपत्यकामा अवस्थित सम्पूर्ण मण्डलीहरुलाई सहभागी हुन आयोजक टिमले आह्वान गरेको छ ।
अन्तिम प्रतिस्पर्धा पछि प्रर्थम हुनेलाई रु ५० हजार नगद सहित ट्रफी प्रदान गरिनेछ भने दोस्रो स्थान हाँसिल गर्नेलाई रु २५ हजार नगद सहित ट्रफी प्रदान गरिनेछ ।
त्यसैगरी अन्तिम प्रतिस्पर्धात्मक खेलमा प्रमुख अतिथिको रुपमा एन्फाका माहासचिव किरण राई उपस्थित हुने आयोजक टिमले बताएको छ ।
