इसाई समुदाय दाङको अध्यक्षमा पास्टर जीवन गुरुङ
दाङ, २३ भदौ ।। इसाई समुदाय दाङको अध्यक्षमा अनन्तझरी मण्डली घोराहीका पास्टर जीवन गुरुङ चयन हुनुभएको छ ।
आज आइतबार दाङको तुलसीपुरमा आयोजित साधारणसभाबाट पास्टर जीवन गुरुङ इसाई समुदाय दाङको अध्यक्षमा चयन हुनुभएको हो ।
इसाई इसाई समुदायको अध्यक्षमा जीवन गुरुङ रहनुभएको छ भने उपाध्यक्षमा पास्टर नेब बहादुर बि.क, सचिव सुनिल मगर, कोषाध्यक्षमा पास्टर जि.एल. नेपाली, सह सचिवमा पास्टर दिलीप ताम्राकार र सह कोषाध्यक्षमा पास्टर शक्ति घर्ती चयन हुनुभएको छ ।
बलिदान ए.जी चर्च गोग्ली दाङका पास्टर सन्त बहादुर घर्तीको कार्याकाल सकिएपछि साधारणसभाबाट नयाँ कार्य समिति चयन भएको हो । इसाई समुदाय दाङले दाङ जिल्लामा रहेका मण्डलीहरुलाई एकतामा ल्याउने र मण्डलीलाई आत्मिकरुपमा जागृत गर्ने गरेको छ । त्यसको साथै दाङ जिल्ला इसाई समुदायले दाङमा विभिन्न सामाजिक काम पनि गर्दै आएको छ ।
