#भजन्#
भजौं येशू नाम भजौं येशू नाम
उद्धार मुक्ती पाउन यहि हो सहि ठाम ~कोरस
यो धर्ती येशूको यो आकाश येशूको
जगत संसार येशूको प्रकाश येशूको
छोड्नु पर्छ सबै कुरा लानु के छ र
रित्तै आयौं हाम्रो साथमा जानु के छ र
येशू नाम जस्तो अर्को छैन कुनै नाम
यहि नाममा रमाउँदै गरौं राम्रो काम
लोभ छोडौं मोह छोडौं छोडौं खराब काम
खराबीलाई हटाएर ख्रीष्ट्को सामु जाम
जन्मदैका पापी हामी छैन कुनै मान
के हुने हो हालत हाम्रो नदेखाउ है सान
बेला छँदै बुझी हालौं पछि के हुन्छ
बाटो सत्य जीवन रोजौं हुन्छ जे हुन्छ
छैन अरु नाम कुनै छैन कुनै नाम
येशू बाहेक संसारमा छैन कुनै नाम
दाजु भाइ दिदी बैनी क्यै पर्दैन दाम
विस्वास गरौं अहिले नै नबनाउँ भान 
एन.पी खतिवडा
