खाली छ खाली येशू बिनाको जिन्दगी (गजल)
ए.पी. खतिवडा
खाली छ खाली खाली येशू बिनाको जिन्दगी !
जाली छ दुष्ट जाली येशू बिनाको जिन्दगी !!
केही नभए जस्तो सस्तो छ बिल्कुल सस्तो !
हलो छ बिना फाली येशू बिनाको जिन्दगी !!
न गोडमेल हुन्छ न फुल्दछ फुल कुनै !
बगैँचा बिना माली येशू बिनाको जिन्दगी !!
अपुरो लाग्छ जीवन अधुरो मात्र लाग्छ !
वृक्ष छ बिना डाली येशू बिनाको जिन्दगी !!
आफ्नै भरोसा राख्दा दुर्बल निरीह हुन्छु !
हुदैन शक्तिशाली येशू बिनाको जिन्दगी !!
