ख्रीष्टमस लक्षित “येशू जन्मनुभयो” म्यूजिक भिडियो विमोचन
ठमाण्डौं, १२ मंसिर ।। डि.एम.एम नेपाल राजु सुन्दास प्रा.लि को प्रस्तुति ख्रीष्टमस लक्षित “येशू जन्मनुभयो ख्रीष्टियन म्यूजिक भिडियो आज बुधबार बिमोचन भएको छ । बिमोचन भएको उक्त म्युजिक भिडियो डि.एम.एम नेपाल अफिसियल युट्युव च्यानलबाट प्रशारण गरिएको छ ।
येशूको जन्मलाई लक्षित गरी निर्माण गरीएको उक्त म्यूजिक भिडियो काठमाण्डौँमा एक कार्यक्रमको आयोजना गरी बिमोचन गरिएको हो । नेपाली इसाई संगित क्षेत्रमा अतुलनीय योगदान पु¥याएकी सलोमी कार्थकले उक्त म्यूजिक भिडियोको बिमोचन गर्नुभएको छ ।
सुसमाचारकोलागि म्यूजिक भिडियो निर्माण गर्दै आएको डि.एम.एम. नेपालले यसपटक ख्रीष्टमस विशेष म्यूजिक भिडियो निर्माण गरेको छ । बुधबार बिमोचन भएको “येशू जन्मनुभयो बोलको गीत सहितको म्युजिक भिडियोले सुसमाचारमात्र नभएर, यस वर्षको ख्रीष्टमसलाई हर्षोल्लासमय बनाउने देखिन्छ ।
म्यूजिक भिडियो निर्माता पास्टर राजु सुनदासको अनुसार, बिमोचन भएको उक्त म्यूजिक भिडियो भोजपुरीमा समेत डबिङ हुने प्रक्रियामा छ । निर्माता पास्टर राजु सुन्दासले भन्नुभयो, “सुसमाचारकोलागि म्यूजिक भिडियो सजिलो माध्यम हो । हामीले एकैपटकमा धेरै मानिसहरुलाई येशूको बारेमा थाह दिन सक्छौँ । हाम्रो चाहाना म्यूजिक भिडियो मार्फत येशूमा विश्वास र्गेहरु आत्मिक रुपमा थप बलियो हुन सकुन र येशूमा विश्वास नगर्नेहरुले पनि येशूको बारेमा थाह पाउन सकुन भन्ने हो ।”
राष्ट्रियरुपमा ख्याति प्राप्त कलाकारहरुको प्रस्तुती रहेको यस म्यूजिक भिडियोले धेरैको मन जित्न सक्ने सम्भावना रहेको छ । बिमोचनको क्रममा सहभागी भएका अथितिहरुनै म्यूजिक भिडियोसँगै मञ्चमा उत्साहित हुँदै आफ्नो नृत्य प्रस्तुत गरेका थिए । डि.एम.एम नेपाल अफिसियल युट्युव च्यानलमार्फत प्रशारित हुने म्यूजिक भिडियोमा सकारात्मक प्रतिक्रिया आउने सम्भावना देखिएको छ ।
नेपालमा सुसमाचारको लागि विभिन्न माध्यमहरु प्रयोग गर्दै आएको डि.एम.एम नेपालले म्यूजिक भिडियोलाई प्राथामिकताकासाथ लगानी गरेको देखिन्छ । निर्माता पास्टर राजु सुन्दासले अझै राम्रो म्यूजिक भिडियो निर्माणको लागि काम अगाडि बडेको बताउनुभयो ।
