नवलपरासीका ३ वटा चर्चमा तोडफोड, इसाई समाजद्वारा सुरक्षाको माग
भदौ १४ । हरि जिज्ञासु
नवलपरासीको रामग्राम नगरपालिकामा रहेका ३ वटा चर्च भवनमा हिजो बुधबार दिउसो अज्ञात समुहले तोडफोड गरेको छ ।
बुधबार दिउँसो मोटोसाइकलमा आएको एक समुहले रामग्राम वडा नं. ६ मा रहेको ग्लोरी चर्च, वडा नं. ४ को आराधना चर्च र वडा नं. १० को साक्षि चर्चमा तोडफोड गरेको लुम्बिनी प्रदेश इसाई समाजका अध्यक्ष बाबुराम बस्नेतले जानकारी दिनुभयो ।
ईटा र ढुङ्गा प्रयोग गरी अज्ञात समहुले चर्चको मुल गेट सहित चर्च भवनको झ्यालको सिसा फुटाएको छ । साथै पार्कीङ अवस्थामा रहेको मोटरसाइकलमा समेत तोडफोड गरिएको छ ।
नवलपरासीमा रहेका सम्पूर्ण चर्चहरुको सुरक्षाको लागि नवलपरासी जिल्ला इसाई समाज लगायत लुम्बिनी प्रदेश इसाई माजले सुरक्षाको लागि प्रशासन संग माग गरेको लुम्बिनी प्रदेश इसाई समाजका अध्यक्ष बाबुराम बस्नेतले जानकारी दिनुभयो ।
जिल्ला प्रहरी कार्याल नवलपरासीले चर्च तोडफोड भएको भन्ने खबर आएपछि चर्च भवन तोडफोड गर्ने आज्ञात व्यक्तिहरुको खोजि भइरहेको जानकारी दिएको छ ।
