नेतृत्व विकास सम्बन्धि तालिमबाट १६ जना दीक्षित
जेठ २८ (२०८०) सूर्खेत
नेतृत्व विकास केन्द्रद्धारा सञ्चालन गरिएको ५ महिने नेतृत्व विकास सम्बन्धि तालिममा सहभागी भएको १६ जना दीक्षित भएका छन् ।
ख्रीष्टिय मण्डली ईत्राम सुर्खेतमा आयोजित दीक्षित कार्यक्रमबाट १६ जना दीक्षित भएका हुन् ।
पास्टर नविन दर्लामी अध्यक्ष रहेको नेतृत्व विकास केन्द्रद्धारा सञ्चालित तालिममा कर्णाली प्रदेश र लुम्बिनी प्रदेशका विभिन्न जिल्लाहरुबाट तालिममा सहभागी हुनुभएको थियो ।
सूर्खेतमा रहेका विभिन्न पास्टर ज्यूहरुको आतिथ्यता रहेको कार्यक्रममा १५० जना भन्दा बढीको सहभागीता रहेको थियो ।
उक्त कार्यक्रममा पास्टर दिल बहादुर तामाङले लेखेको ‘फलदायी र हराभरा बुढेसकाल’ नामक पुस्तक पनि विमोचन भएको छ ।
फलदायी र बुढेसकाल नामक पुस्तको विमोचन सूर्खेत इसाई समाजका अध्यक्ष तथा बेथेल चर्चका पास्टर पदम गैरेले गर्नुभएको थियो ।
