पर्सा ख्रीष्टियन समाजद्वारा बृद्ध आश्रमलाई अक्सिजन मेशिन उपहार
– प्रेम घिमिरे (पर्सा)
असोज ३ ।। ठोरी गाउँपालिका वडा नं. १ ठोरी पर्सामा रहेको असाहय तथा बृद्ध आश्रममा ख्रीष्टियन समाज पर्साले अक्सिजन मेशिन उपहार दिएको छ ।
बृद्ध आश्रममा रहेका असाहय जेष्ठ नागरिकहरुलाई बेलाबेलामा अक्सिजनको आवश्यकता पर्ने भएकाले ख्रीष्टियन समाजले उपहार स्वरुप अक्सिजन मेशिन प्रदान गरेको हो ।
ठोरी गाउँपालिका वडा नं. १ का वडा अध्यक्ष धनमान थापा मगर मार्फत आश्रमका आसबहादुर गुरुङलाई एक लाख बराबरको मेशिन ख्रीष्टियन समाज पर्साले हस्तान्तरण गरेको छ ।
अक्सिजन मेशिन हस्तान्तरण कार्यक्रममा पर्सा ख्रीष्टियन समाजका महासचिव राम प्रसाद घिमिरे, कोषाध्यक्ष सिमोन राई, पास्टर दिलबहादुर घलान र पास्टर शेर बहादुर घलानको सहभागी रहेको थियो ।
ख्रीष्टियन समाज पर्साले आवश्यकता महसुस् भएको ठाउँमा सक्दो सहयोग गर्दै आएको छ ।
