मसाई नेपाली चर्च मलेसियाले मनायो पाँचौ वार्षिकोत्सव
भदौ २४ ।। मलेसिया
मलेसियाको जोरबारुमा रहेको मसाई नेपाली चर्चले आफ्नो स्थापनाकालको पाँचौ वार्षिकोत्सव मनाएको छ । आज आइतबार मलेसियाको जोरबारुमा एक कार्यक्रमको आयोजना गरी मण्डलीले पाँचौ वार्षिकोत्सव मनाएको हो ।
रोजगारीको लागि नेपालबाट मलेसियामा पुगेका नेपालीहरुले सुरु गरेको मसाई नेपाली चर्चले आफ्नो स्थापनाकालको पाँच वर्ष पार गर्दासम्म मलेसियामा अन्य शाखा चर्च पनि स्थापना गरिसकेको छ ।
नेपालबाट मकवानपुरबाट रोजगारको लागि मलेसिया पुगेका पास्टर आइतसिंह तामाङ मसाई चर्च मलेसियाको संस्थापक पास्टर हुनुहुन्छ । पास्टर आइतसिंह तामाङले केहि व्यक्तिहरुबाट सुरु गरेको मसाई चर्चको सदस्य हाल ६० जना भन्दा बढि हुनुहुन्छ ।
पाँचौ वार्षिकोत्सवको अवसरमा पास्टर आइतसिंह तामाङले परमेश्वरको बचनबाट बोल्नु भएको थियो । पाँचौ वार्षिकोत्सव कार्यक्रममा मण्डलीका सदस्यहरुले खुसी व्यक्तगर्दै नेपालको राष्ट्रिय गीत गाएर केक समेत काटन् भएको मसाई चर्चका सदस्य दिपक श्रेष्ठले जानकारी दिनुभयो ।
