रुकुमेली ख्रीष्टियन मिसन समाजद्वारा भलिबल प्रतियोगिताको आयोजना
कात्तिक, ८ (काठमाण्डौ)
रुकुमेली ख्रीष्टियन मिसन समाज अन्तरगतको जवान समितिले भलिबल प्रतियोगिताको आयोजना गरी सम्पन्न गरेको छ ।
रुकुम पूर्वको खाबाङ बगरमा सोमबारदेखि सञ्चालन भएको भलिबल प्रतियोगिता आज समापन भएको हो ।
रुकुम पूर्व र पश्चिम दुई जिल्लाका विभिन्न चर्चहरुबाट भलिबल खेलाडीहरुले खेलमा भाग लिएका थिए । रुकुमेली ख्रीष्टियन मिसन समाज अन्तरगतको जवान समितिले दोस्रो पटक भलिबल प्रतियोगिताको आयोजना गरेको हो ।
भलिबल प्रतियोगितामा सिस्ने समुहले प्रथम स्थान हाँसिल गरेको छ भने, हुकाम समुहले दोस्रो र सिमा मण्डलीले तेस्रो स्थान हाँसिल गरेको छ । जवान समितिद्वारा प्रर्थम स्थान हाँसिल गर्नेलाई रु २५ हजार नगद सहित प्रमाण पत्र प्रदान गरिएको छ ।
त्यस्तै दोस्रो स्थान हाँसिल गर्नेलाई रु २० हजार नगद र प्रमाणपत्र प्रदान गरिएको छ भने, तेस्रो स्थान हाँसिल गर्नेलाई रु १५ हजार नगद सहित प्रमाणपत्र प्रदान गरिएको छ ।
रुकुम पूर्व र पश्चिम दुई जिल्लालाई समेटेर भलिबल खेल प्रतियोगिता आयोजना गर्नुले सुसमाचार र युवाहरु बीच चिनापरिचय हुनको साथै एकले अर्कालाई प्रार्थनामा सम्झिने समेत मौका मिलेको छ ।
