सुर्खेत इसाई समाजद्वारा युवा सम्मेलन तयारी विषयमा छलफल
कात्तिक २ (सुर्खेत)
सुर्खेत इसाई समाजको मासिक नियमित बैठकमा आउने कार्तीक १९ देखि २१ गतेसम्म हुने पास्टर सम्मेलनको तयारी संगै २०८१ मा हुने कर्णाली प्रदेशस्तरीय युवा सम्मेलनको तयारीको विषयमा छलफल भएको छ ।
कात्तिक १९ देखि २१ गतेसम्म सञ्चालन हुने पास्टर अगुवा सम्मेलनमा कर्णाली प्रदेशका अन्य जिल्लाहरुबाट पास्टर अगुवाहरुलाई समेत सहभागी बनाएर युवा सम्मेलनको तयारीको विषयमा छलफल गर्ने सुर्खेत इसाई समाजका सचिव पास्टर प्रेम बयलकोटीले जानकारी दिनुभयो ।
पास्टर प्रेम बयलकोटीले भन्नुभयो, ‘कर्णाली प्रदेशमा रहेका इसाई समुदायको पक्षमा काम गर्नको लागि कर्णाली इसाई समाज गठन गरी अगाडि बढ्ने लक्ष्य छ । २०८१ सालमा कर्णाली प्रदेशस्तरीय युवा सम्मेलन भव्यताकासाथ सफल पार्ने विषयमा छलफल हुनेछ ।
युवाहरुलाई आत्मिक रुपमा बलियो बनाउन र सुसमाचारीय कार्यको लागि प्रेरित गर्नको सुर्खेत इसाई समाजले गत वर्ष पनि कर्णाली प्रदेशस्तिरीय युवा सम्मेलनको आयोजना गरेको थियो ।
गत वर्षको भन्दा अझै बृहत रुपमा इसाई युवा सम्मेलन सफल पार्नको लागि सुर्खेत इसाई समाजमा आवद्ध पास्टर ज्यूहरु प्रार्थना सहित सक्रिय रहनुभएको छ । त्यसैगरी सम्मेलन सफल पार्नको लागि सबैले प्रार्थना गरिदिन पास्टर ज्यूहरुले आग्रह गर्नुभएको छ ।
