चर्च र मन्दिरको विवाद मिलाउन हर्क सम्पाङले दुवै पक्षलाइ बोलाए

साउन १ (२०८०) सुनसरी
धरान उप–हानगरपालिकाका नगर प्रमुख हर्क साम्पाङले चर्च र मन्दिर बीचको विवाद मिलाउन दुबै पक्षलाई महानगरको कार्यालयमा बोलाउनुभएको छ ।

धरान १४, दुईधारेमा मन्दिरको छेउमा नवनिर्मित होली ट्रिनिटि बिलिभर्स इस्टर्न चर्चको विषयलाई लिएर बिजयपुर क्षेत्र धार्मिक संरक्षण समन्वय समितिले चर्च हटाउन भनी नगर प्रमुखलाई बुझाएको ज्ञापन पत्र र धरान इसाई समाजले धार्मिक सद्भाव खलबलाउन नहुने भनि बुझाएको ध्यानाकषर्न पत्रको आधारमा नगर प्रमुख साम्पाङले हिजो आइतबार दुबै पक्षलाई कार्यालय बोलाउनु भएको हो ।

मन्दिर क्षेत्रमा चर्च निमार्ण गरेको भन्दै बिजयपुर क्षेत्र धार्मिक संरक्षण समन्वय समितिले चर्च हटाउन पहल गरिदिन धरान महानगरमा ज्ञापन पत्र बुझाएको थियो । विज्ञप्तिमा भनिएको थियो, ‘नवनिर्मित चर्च भवन स्थानान्तर गरियोस र धरान–१४ विजयपुर भरी कुनै चर्च निमार्ण गर्न बन्द गरियोस् ।’

आइतबार दुबै पक्षले महानगरको कार्यालयमा पुगी आ–आफ्नो धारना राख्नुभएको थियो । आफ्नो धारणा राख्ने क्रममा बिजयपुर क्षेत्र धार्मिक संरक्षण समन्वय समितिले, मन्दिरको छेउमा चर्च निमार्ण गर्दा धार्मिक सद्भााव खलबलिन सक्ने बताउँदै भारतको मनिपुरको उदारण दिएको थियो । त्यसैगरी धारन इसाई समाजले धार्मिक सद्भाव खलबलाउनको लागि आफूले कुनै पनि क्रियाकलाप नगर्ने र इसाई समुदायले सबै धार्मिक समुदायलाई समान रुपमा हेर्ने बताएको छ ।

त्यसैगरी एन.सि.एफ नेपालका कोषाध्यक्ष हिमाल राईले धरान इसाई समाजको पक्षमा बोल्दै, मनीपुरमा घटेको घटनालाइ उदृत गर्दै मनिपुरमा ७२ वटा चर्च जलाएको र कुनै पनि पास्टरले एउटा पनि मन्दिर जलाउने कार्य नगरेको बताउनुभएको भयो ।

करिब २ घण्टा चलेको छलफल टुङ्गो नलागेपछि नगर प्रमुख हर्क साम्पाङले अर्को पटक फेरि दुबै पक्षलाई बोलाएर छलफल गर्ने बताएको एन.सि.एफ नेपालका कोषाध्यक्ष हिमाल राईले जानकारी दिनुभयो । हिमाल राईले भन्नुभयो, ‘बिजयपुर क्षेत्र धार्मिक संरक्षन समन्यव समितिका अध्यक्ष सहभागी नभएको कारण पनि छलफल टुंगो लागेन । नगर प्रमुखले अर्को पटक दुबै पक्षलाई छलफलको लानि बोलाउछु भन्नुभएको छ ।’